സ്കൂൾ തപാലാപ്പീസ് ശ്രദ്ധേയമാവുന്നു

സ്കൂൾ തപാലാപ്പീസ് ശ്രദ്ധേയമാവുന്നു.

ചെരണ്ടത്തൂർ:

വാർത്താ വിനിമയത്തിന് നൂതന സാങ്കേതിക വിദ്യകൾ വ്യാപകമായ ഈ കാലത്ത്, കത്തും,കത്ത് എഴുതലും പുതിയ തലമുറക്ക് ഒരു പുതിയ അനുഭവമായി.

 അഡ്രസ് എഴുതി , സ്റ്റാമ്പ് പതിച്ച കവർ പോസ്റ്റ് ബോക്സിൽ നിക്ഷേപിക്കലും , തുടർന്നുള്ള ഓരോ ഘട്ടങ്ങളും , പിൻകോഡ് , പോസ്റ്റ് മാസ്റ്റർ, പോസ്റ്റ്മാൻ എല്ലാം നേരിട്ട് അനുഭവിച്ചറിയാൻ വിദ്യാർത്ഥികൾക്ക് അവസരമൊരുക്കിയിരിക്കുകയാണ് പ്രൈമറി വിദ്യാലയം.

ചെരണ്ടത്തൂർ എം.എൽ പി സ്കൂളാണ് ഇത്തരമൊരു വിത്യസ്ത അനുഭവമൊരുക്കി മാതൃകയായിരിക്കുന്നത്. 

വിദ്യാർത്ഥികൾ വളരെ ആവേശത്തോട് കൂടിയാണ് ദിവസവും സഹപാഠികൾക്കും , അദ്ധ്യാപകർക്കും കത്തുകളെഴുതുന്നത്.

മിനിറ്റുകൾക്കുള്ളിൽ വാർത്തകൾ ലോകത്തിന്റെ ഏത് കോണിലും എത്തിക്കാൻ കഴിയുന്ന ഈ കാലത്ത്, വിദേശത്തുള്ള കുടുംബാംഗങ്ങളുടെ വിവരങ്ങൾ അറിയാൻ വീട്ടുകാർക്ക് ആഴ്ചകളോളം കാത്തിരിക്കേണ്ടിയിരുന്നു 

എന്നറിയുമ്പോൾ അത് അവിശ്വസനീയമായി തോന്നുകയാണ്.

അനുഭവങ്ങളിലൂടെ അറിവുകൾ പകർന്ന് നൽകുന്ന ഇത്തരം പ്രവർത്തനങ്ങൾ മാതൃകാപരമാണ്.